Lendo nas Barxas

Certame de guións para curtas

2012-01-31T19:19:00.001+01:00

O noso instituto ven de convocar o I Certame de guións para curtas "A muller Lamprea". Esperamos que a participación sexa un éxito. Aqui tendes as bases e dende a biblioteca vos animamos a presentar os vosos traballos.

Día da Paz

2012-01-29T11:21:00.004+01:00

O día 30 de Xaneiro celebrase o Día da Paz Os alumnos da aula de PT e de 1º de ESO capitaneados por Vero, a profe e PT, realizaron este magnífico traballo do que podemos disfrutar todos.

Asemade, a Biblioteca do noso intituto quereo celebrar coa proxección de este estupendo curto.

Swing of change.

Resumo: Anos 30 de Nueva York: Harry, un barbeiro racista cambia de opinión coa chegada dunha trompeta máxica á sua barbería.

Feliz Día da Paz!

Concurso de Microrrelatos de Nadal

2012-01-25T17:09:00.005+01:00

Aínda que xa pasou certo tempo aquí están os gañadores do noso concurso de microrrelatos de Nadal. Ademáis de un agasallo para cada un deles os seus microrelatos serán publicados na revista do Instituto. Noraboa a todos! e grazas pola vosa participación.

1º PREMIO

OS CORAZÓNS DO PIÑEIRO

A época favorita de Xiana era o Nadal, porque seu avó viña visitala e traía como regalo un piñeiro ben feitiño. Un ano agasallou a Xiana cun piñeiro máxico. Das súas pólas penduraban corazóns de prata cos que podías dar vida aos teus soños de Nadal. Estes tornarían verdadeiros coa vida máxica de cada corazón.

Pouco despois, Xiana recibiu a nova de que seu avó morrera.

Tras moito chorar, ía todas as noites ó carón da árbore e collía un dos corazonciños. Asi, o avó reuníase con ela nos soños, contándolle historias marabillosas mentres durmía.

Antón Entenza Martínez 1º ESO D

O Nadal achegábase e os meus amigos e máis eu pensabamos nos agasallos deste ano. Barallabamos diversas opcións: cambiar de móbil, un novo set de maquillaxe ou roupa. Todo parecía perfecto, pero algo fallaba, non me sentía de todo feliz por ter cousas materiais. O reflexo da miña infelicidade era ela, unha compañeira de clase que, pese a non destacar pola súa roupa ou pertenzas, sobresaía polo seu sorriso que eu envexaba. Antes eu era asi, pero o tempo fainos cambiar. E pensándoo ben, este Nadal o mellor agasallo sería recuperar a sinxeleza que eu tanto ¿AÑORABA?

Daniel Sobral Olivera 4º ESO C

2º PREMIO

O Nadal é felicidade e harmonía, pero se todo isto o misturas coa miña familia, vólvese arrepiante e diabólico. A miña avoa, cortando o xamón asado (esquecíaseme decir que ten parkinson)... ¡media hora para comer! Os meus crmáns xemelgos, berrando e tirándose comida. O meu pai, co mesmo disfraz de Papá Noel de hai vinte anos, todo remendado, cantando panxoliñas no seu inglés inventado... e eu, no medio, desexando que se pase o Nadal dunha vez, para que todo volva á “normalidade”.

Noelia Riobó e Jennifer Cancelas 4º ESO C

3º PREMIO

UN NADAL AO LADO DUN SER QUERIDO

Érase un 24 de decembro de 2010. O meu primeiro Nadal co meu irmán maior que veu do exército. Cando o vin entrar pola porta, penséis que o meu maior regalo de Nadal se cumplira. Por fin podía cantar panxoliñas e tomar as uvas ao seu carón. Sabía que o ano 2011 empezaría cun sorriso, non coma o ano pasado no que todo forn vagaos pola morte do meu can.

Diego Fonseca 2º ESO C

2012-01-17T18:40:00.000+01:00

Os libros tamen se divirten.

Faran o mesmo os da nosa biblio cando nos imos do Instituto?

Día dos Dereitos Humanos

2011-12-17T12:37:00.002+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Mais aínda así cabe pensar que un outro mundo é posible, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: "Tod@s nascemos libres e iguais en dignidade e dereitos"

* O bubisher (Oenanthe leucopyga e Oenanthe leucura) é un paxariño tímido que vive na Península e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Imaxe atopada aquí

CONCURSO DE MICRORRELATOS

2011-12-10T20:16:00.000+01:00

Escribe un relato navideño con 100 palabras como máximo. Se trata de contar mucho con pocas palabras. Puede ser humorístico, amoroso, aventurero, policíaco…Aquí van dos ejemplos bien distintos:

“El día de Navidad se despertó tarde. Se acercó a la ventana de su habitación y miró hacia fuera. Todas las personas estaban iluminadas.

Fue a la cocina. Su madre preparaba el desayuno. Le dio un beso sedoso y su madre se iluminó.

Entonces comprendió.”

“Le despertó con un vaso de leche caliente. Le tenía el traje rojo planchado y las botas lustrosas. Le dio entre lástima y vergüenza ver a su marido, jadeante, arrastrando por el pasillo un saco de regalos inútiles y pasados de moda, hasta cargarlo, entre resoplidos, en el trineo. Le puso la bufanda que acababa de tejer y le limpió el moquillo. El hombre bostezaba. Tosía: estaba hecho un viejo cegato y culón. Cuando los renos alcanzaron su velocidad de crucero, Mamá Noel murmuró: “El pobre está acabado, voy a tener que hacerme cargo del negocio...”.

Habrá premios para los tres mejores y serán publicados en la revista del instituto.

Los microrrelatos deben ser entregados en la Biblioteca, como máximo, el viernes 16. Los premios serán entregados el lunes 19, durante el recreo, en la Biblioteca.

Feliz ano novo e felices lecturas

2011-12-07T19:31:00.004+01:00

Cada libro é unha nova ilusión ,converte a túa vida nunha gran aventura: a aventura dos tolos que cren que poden facer un mundo mellor.
Feliz ano novo e felices lecturas

Dez negriños na reunión do club de lectura

2011-11-29T23:11:00.001+01:00

Este luns, 28 de novembro, acudimos os membros do club de lectura As Barxas á Biblioteca para ver a versión cinematográfica da obra que tratamos neste trimestre: Dez negriños. Ao principio os rapaces se sorprenderon de que fóra tan antiga, pero...non debeu estar moi mal porque cando estabamos no máis misterioso da acción, oimos uns golpiños na fiestra. Todos pegamos un respingo e vimos a un compañeiro que chegaba tarde e desexaba entrar na proxección. Asi foi... ou... foi fruto da nosa imaxinación?

Son os tempos de Samaín

2011-11-08T17:21:00.004+01:00

Chega o outono e con él as castañas, as caveiras de melón, os calacús, as abóboras; chegan as augas e os tempos escuros, remata o verán e encétase o inverno, vaise a calor e vén o frío: acaban as romarías ao sol e inícianse os fiadeiros a carón do lume: son os tempos de Samaín.

Samaín, palabra gaélica, non significa máis que fin do verán, principio do inverno. Na antiga cultura céltica o tempo de Samaín, especialmente a noite do 31 de outubro ao 1 e novembro, era o período máis importante do ano. Eran datas claves para se reunir nos camposantos, comer o ritual e comunal porco de samaín e concelebrar as farradas festeiras dos guerreiros. Era a noite máis perigosa do ano: as portas do outromundo abríanse nesas horas e as ánimas eran quen de vir visitar este mundo e aos seus moradores: tantas veces para render contas inacabadas.

Para afastar dos seus castros as perigosas ánimas defuntas e errantes adoitaban poñer no alto das muradas, ou encastradas nas paredes, as caveiras iluminadas dos inimigos mortos en campaña. De aquí, dos ritos e crenzas célticas ao redor da caveira, vén a tradición europea de facer caliveras na cortiza dos melóns, ou cabazos, ou calabazotes. Tradición que, grazas ás investigacións do profesor galego Lopez Loureiro, sabemos que se estende por toda a antiga xeografía céltica europea e concretamente para o caso de España, por todas as zonas con presencia do elemento céltico ben documentado. En Galiza atopámola en toda a súa xeografía, non faltando esta tradición en ningunha das súas bisbarras e aportando un folclore similar aínda que dándolles nomes diferentes: calacús polas Rías Baixas, caveiras de melón en Cedeira, calabazotes en Ortigueira, colondros en Ourense...etc.

flash slideshow maker

La biblioteca del misterio

2011-11-08T00:40:00.001+01:00

Hemos sido convocados a una reunión...como los diez negritos...En la biblioteca nuestras miradas se cruzaban esperando que alguien diera el primer paso y dijera....¡QUIÉN ERA EL ASESINO! Y una vez que esto sucedió...¡YA FUE IMPOSIBLE PARAR! Todos queríamos dar nuestra opinión, contrastar nuestras impresiones, contar qué fue lo más nos gustó...

Ha sido una reunión divertida y entretenida donde antiguos y nuevos miembros hemos disfrutado de un rato dedicado a la literatura y el misterio.

El día 28 estamos convocados a una nueva cita...¿Ocurrirá algo inesperado?

Todo puede pasar en...la biblioteca del misterio.

ATOPAMOS UN TESOURO

2011-10-27T21:52:00.008+02:00

"Un feito misterioso aconteceu na Biblioteca de As Barxas: ATOPAMOS UN TESOURO!

Pero como é un tesouro pequeniño non podemos repartir entre todos os alumnos. Por iso, prestaremos as pistas que nós seguimos para atopalo. Vinde á biblioteca no recreo. Os 30 primeiros que o fagan... TERÁN PREMIO!

SORTE...e AÍNDA QUE PASEN COUSAS ESTRANAS...NON TEÑADES MEDO: os bibliotecarios os protexerán (o que poidan)"

PÁNICO NA BIBLIOTECA

2011-10-26T08:48:00.003+02:00

Tremede nen@s¡¡,xa chegou o samain á biblioteca do Ies as Barxas e o noso trasgo está escondido detrás dos andeis.

Día da biblioteca

2011-10-24T20:25:00.010+02:00

Hoxe foi o día da biblioteca e unha vez máis decidimos festexalo ao grande con doces para todos.. ......pero antes presentarvos a...

.... Vero a nosa nova coordinadora da Biblio

As dúas coordinadoras das Barxas, a que lle dá e a que lle deu vida á nosa biblioteca ,este é a nosa pequena homenaxe no día da biblioteca

E agora si, as fotos da nosa festa, ata o noso trasgo probou a torta

CLUB DE LECTURA,DIEZ NEGRITOS de Agatha Christie

2011-10-22T00:12:00.024+02:00

“Diez negritos salieron a cenar;
Uno se ahogó y entonces quedaron Nueve.
Nueve negritos estuvieron despiertos hasta muy tarde;
Uno se quedó dormido y entonces quedaron Ocho.
Ocho negritos viajaron por Devon.
Uno dijo que se quedaría allí y entonces quedaron Siete.
Siete negritos cortaron leña;
Uno de ellos se cortó en dos mitades y entonces quedaron Seis.
Seis negritos jugaron con una colmena;
Una abeja picó a uno de ellos y entonces quedaron Cinco.
Cinco negritos hicieron la carrera de Leyes;
Uno se hizo magistrado y entonces quedaron Cuatro.
Cuatro negritos fueron al mar;
Un arenque se tragó a uno y entonces quedaron Tres.
Tres negritos se pasearon por el zoo;
Un gran oso mató a uno de ellos y entonces quedaron Dos.
Dos negritos se sentaron al sol;
Uno de ellos se tostó y sólo quedó Uno.
Un negrito quedó sólo. Se ahorcó y no quedó… ¡Ninguno!”

DIEZ NEGRITOS PDF
DIEZ NEGRITOS EN SLIDESHARE
TRAILER PELÍCULA 1974

PERSONAJES

http://www.dieznegritos.rbalibros.com/?page=personajes
7 de Noviembre

A las 14:30 en la

Biblioteca de “As Barxas
(trae tu Bocata)

DESAPARICIÓN DOS ASESORES DE BIBLIOTECAS NOS CEFORES

2011-06-01T12:29:00.001+02:00

O que podería resultar o título dunha novela de intriga non é tal, senón que é a realidade coa que nos imos topar o vindeiro curso ( e quizáis os seguintes) segundo a política de recortes presupuestarios que se está a aplicar na Xunta. Estes asesores son os que se encargan de coordinar a formación das persoas que traballamos en bibliotecas. Se eles desaparecen é posible que ninguén se preocupe de preparar actividades de formación, o cal parece un contrasentido se temos en conta a cantidade de cartos que se están a destinar a bibliotecas escolares e a cantidade de premios que as bibliotecas escolares galegas están a acadar en todo o ámbito nacional.
Déixovos unha carta redactada por un grupo de persoas que se dedican a "isto" das bibliotecas.

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros, queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Salvar un libro en GALEGO

2011-05-01T15:13:00.004+02:00

E a historia continúa.....
Intentando salvar máis libros co alumnado de 2º da ESO, tivemos un encontro emocionantísimo cun grupo de mulleres enfermas de Alzhéimer, que nos levaron á realidade e a ternura dunha cruel enfermidade. Xusto a que describe Francisco Castro na súa obra salvada por nós.
Velaquí tedes a nosa emocionante experiencia.

Salvar un libro en GALEGO

2011-05-01T15:11:00.003+02:00

O libro salvado polo alumnado de 1º de ESO é Chamádeme Simbad, de Francisco Castro. O que tedes a continuación é unha recreación da obra a cargo dos alumnos e alumnas de 1º.
O propio autor fai unha referencia a este traballo no seu blog. Agradecémosllo moi sinceramente.
http://franciscocastro.blogaliza.org/2011/05/01/xa-non-podo-pedir-mais/

SALVANDO LIBROS CON FRANCISCO CASTRO

2011-04-10T01:16:00.007+02:00

Un dos nosos vídeos de SALVAR UN LIBRO que tedes máis abaixo, no que o alumnado de primeiro lía a obra de Francisco Castro Chamádeme Simbad chegou a mans do autor e ¡o incluíu no seu blog persoal! Aí tedes o enlace para ver como fala de vós. Clicade nel e veredes o seu blog.
Francisco Castro

Editorial Galaxia

SALVAR UN LIBRO

2011-04-09T00:52:00.001+02:00

E seguimos salvando libros....

2011-04-09T00:32:00.000+02:00

Un vídeo que nos anima a ler dunha forma moi orixinal.

SALVAR UN LIBRO

2011-04-03T01:02:00.001+02:00

Os alumnos de 1º da ESO xa empezaron a SALVAR OS SEUS LIBROS. Os de 1ºC e D decidiron salvar Chamádeme Simbad, de Francisco Castro Veloso, obra na que un avó e o seu neto se achegan ata mostrar unha complicidade que supera a enfermidade do Alzheimer.
Velaquí o vídeo no que os alumnos len unha parte do relato.

REDELIBROS

2011-03-29T21:20:00.001+02:00

Redelibros é una rede social centrada no mundo do libro que reúne a escritores, editores, libreiros, bibliotecarios e lectores. Un espazo común que agrupa blogs persoais e profesionais, grupos de opinión, páxinas web de librerías, editoriais e autores, axenda de eventos.

http://www.redelibros.com

CURTAMETRAXE 4º ESO

2011-03-25T00:24:00.002+01:00

A curtametraxe que tedes no enlace é obra dos alumnos de cuarto de ESO do noso instituto. Se vos gusta, votádea na páxina na que a vedes para que gañe o concurso de curtametraxe. Noraboa aos rapaces e rapaces de 4º de ESO por este magnífico traballo.

http://www.adart.cat/5centims/video_libre.php?sh=l0011

A 1ª AVENTURA DA MULLER LAMPREA

2011-03-20T22:13:00.001+01:00

Xa temos aquí a primeira aventura da muller lamprea, que intenta loitar contra os prexuízos lingüísticos. A animación que veredes é obra do alumnado de 1º C e D, baixo a coordinación da profe de plástica Luz Beloso. O conto é obra de Iria Collazo, profe de Galego do insti.

UNHA DE CONCURSOS!!

2011-03-20T10:59:00.007+01:00

O xornal El País convoca un concurso matemático no que plantexará semanalmente un problema que hai que resolver. Aí tedes o primeiro. A ver se dades coa solución...
Clicade no enlace para ver o problema desta semana.

BIBLIOTECA DE SIGNOS. RECURSO PARA ALUMNOS XORDOS

2011-03-17T16:12:00.003+01:00

A Biblioteca Cervantes Virtual ven de inaugurar a Biblioteca de Signos Didáctica, coa finalidade de proporcionar materiais para o ensino primario e secundario.

Fai clik aquí para acceder á Biblioteca de signos

LOIS PEREIRO, NAS LETRAS GALEGAS

2011-03-17T00:56:00.001+01:00

Este ano adícase o Día das Letras Galegas a Lois Pereiro, autor vangardista representante dos anos 80, cunha poesía de marcado carácter underground. Aquí tedes algúns vídeos que vos aportan información sobre a súa biografía e a súa obra.

Concurso de marcapáxinas na Lonxa Literaria

2011-03-16T00:50:00.001+01:00

A Lonxa Literaria, de Moaña, convoca un concurso de marcapáxinas para o 23 de abril. Aproveitade os que xa fixestes algún en clase de plástica e presentádevos.
No seguinte enlace tedes as bases do concurso.

http://www.lonxaliteraria.net/apartados/quensomos/novas.html

LIPDUB DO IES FONTEM ALBEI

2011-03-16T00:30:00.000+01:00

Os compañeiros da biblioteca IES Fontem Albei, de A Fonsagrada fixeron un lipdub. Un Lipdub é un vídeo musical realizado por un grupo de persoas que moven os beizos e fan movementos ao son dunha canción. Normalmente, faise nunha soa toma e a música se incorpora posteriormente ao editar as imaxes, como banda sonora. Neste lipdub contan a historia dun libro esquecido esquecido que tras percorrer boa parte do centro retorna ao seu lugar natural: a biblioteca.
Que o disfrutedes!

Agustín Fernández Paz, candidato ao Premio Andersen

2011-03-15T23:46:00.001+01:00

A Organización Española para el Libro Infantil e Xuvenil (OEPLI) ven de propoñer ao escritor galego Agustín Fernández Paz como candidato español para o Premio Andersen, como recoñecemento a unha "contribución duradera á literatura infantil e xuvenil" dun escritor e dun ilustrador.
Ademais da candidatura a este premio, considerado o Nobel da literatura infantil, a OEPLI tamén propuxo a Fernández Paz para o Premio Iberoamericano de Literatura Infantil Ediciones SM, que recoñece a traxectoria dos escritores que traballan para o público infantil e xuvenil.

Dende a nosa biblioteca, queremos felicitar a este escritor lugués afincado en Vigo.

A muller lamprea

2011-02-14T22:51:00.005+01:00

A muller lamprea é un conto realizado polo Equipo de Normalización Lingüística e o departamento de plástica. Serve de base para reflexionar sobre os diferentes prexuízos usados habitualmente en contra do uso do galego. Deste xeito, de forma periódica se formulará un prexuízo e os rapaces reflexionarán sobre el, aportando as consideracións que crean convintes. Posteriormente, con todas as reflexións, se elaborará un contraprexuízo que rexeite a primeira afirmación.

2011-01-18T23:37:00.002+01:00

Aínda que con algún tempo de retraso, aí van as fotos da excursión realizada no trimestre pasado ao VERBUM, en Vigo, cos grupos de Proxecto Interdisciplinar de 1º de ESO A e B. A exposición "A Arte de facer libros" veunos moi ben co tema que estamos a traballar en PID, que é a historia do libro e os soportes utilizados polas diferentes culturas antes da aparición deste.

Espero que vos gusten as fotos

Excursión verbum

View more presentations from asunmont.

FELIZ ANINOVO 2011

2010-12-17T02:56:00.000+01:00

marcadores

2010-12-16T20:04:00.000+01:00

CHEGAN OS COGUMELOS

2010-12-01T19:13:00.002+01:00

Coa chegada do outono aparecen tamén os cogumelos. Na entrada do instituto temos unha ampla mostra para que o alumnado estude as súas características e aprenda a diferenciar os distintos tipos. As guías de setas que temos na biblioteca saíron tamén ao exterior para axudar aos rapaces e rapaces con este labor.

DÍA DA BIBLIOTECA

2010-10-26T00:08:00.005+02:00

Despois do traballo realizado o ano pasado (proxecto "Biblioteca ilustrada", actualización de equipos informáticos, retirada das portas nos andeis para un acceso máis doado aos fondos,...), e para celebrar a nosa inclusión no Plan de Mellora de Bibliotecas Escolares, hoxe celebramos o DÍA DA BIBLIOTECA por todo o alto durante o recreo convidando a todo o alumnado e profesorado a un anaco de torta. Por unha vez, e sen que sirva de precedente, hoxe todos incumplimos a norma que di que non se pode comer na biblio. Felicidades a tod@s.

Aquí tedes unha pequna reportaxe do momento.

HORA DE LER

2010-10-07T00:42:00.002+02:00

O vindeiro luns 11 de outubro comezamos, a primeira hora da mañá, a HORA DE LER. Cada semana adicaremos unha hora a que o alumnado lea na aula, a fin de fornecer o seu hábito lector e mellorar as súas competencias comunicativas, tanto orais como escritas.

COMEZAMOS O CURSO!!

2010-10-05T22:57:00.001+02:00

Remataron as vacacións e hai que poñerse a traballar. E este ano temos moito por facer na biblioteca. Por fin nos concederon a axuda do Plan de Mellora de Bibliotecas Escolares e, evidentemente, hai que intentar mellorala, continuar a reforma que xa comezamos o curso pasado, e seguir intentando convencer ao noso "público" de que ler é unha aventura única.
Bo curso para todos e todas.

BIBLIOTECA ILUSTRADA

2010-06-28T17:04:00.009+02:00

Enlace "BIBLIOTECA ILUSTRADA "

NO VERÁN , UN MAR DE LIBROS

2010-06-28T16:43:00.001+02:00

2010-01-28T14:27:00.000+01:00

MARCHAMOS DE EXPEDICIÓN POLO PACÍFICO!!

Durante as dúas primeiras semanas do mes de febreiro marcharemos de excursión cos protagonistas da novela que comentaremos o 22 de febreiro.
Na biblioteca organizamos un concurso que consiste en contestar a unhas preguntas sobre a obra de Marilar Aleixandre. Serán tres preguntas por semana que deberedes contestar ata o venres de cada semana (incluido) e depositar nunha caixa que haberá na biblioteca. Entre os gañadores sortearemos un agasallo.

2010-01-13T17:50:00.003+01:00

A expedición do Pacífico é unha novela na que a súa protagonista viaxa como polisón nunha expedición polo Pacífico. Non é só unha novela de aventuras, senón que tamén asistimos á viaxe interior de Emilia, a protagonista, que parte sendo unha nena e, cando remata a viaxe, xa non o é.
As referencias históricas e científicas fan desta lectura unha nova fonte de coñecemento.

2010-01-13T17:19:00.003+01:00

Comezamos este novo curso a andaina do Club de lectura co libro de Marilar Aleixandre A expedición do Pacífico. Este ano queremos encamiñar as lecturas cara ás ciencias e este libro serviranos para comezar o noso percorrido. Como fixemos o curso pasado nalgunha sesión, reunirémonos ao mediodía e, se cadra, aproveitaremos para compartir, ademais das nosas experiencias lectoras, algún que outro doce que traiamos.

Próxima sesión do club de lectura

2009-05-21T22:17:00.002+02:00

Aínda non temos data prevista, pero si sabemos o libro ao que imos adicar a vindeira sesión do club de lectura As Barxas. Será Cartas de amor, de Fran Alonso.
Intentaremos contar coa presenza do autor para falar con el non só da nosa opinión sobre a obra senón tamén sobre a súa concepción e todo aquilo que nos queira contar.
Tedes exemplares na biblioteca, así que animádevos a lelo.

23 de abril. Día do libro. Bookcrossing

2009-05-21T22:10:00.002+02:00

Para celebrar o día do libro fixemos unha "liberación" de libros que agachamos por todo o instituto. Se atopaches algún deles e queres contarnos por onde anda, se o volviches soltar ou se te gustou, podes deixar aquí o teu comentario.

2009-03-09T23:53:00.001+01:00

Segunda sesión do Club de lectura

Atendendo á petición dos alumnos que asistiron á anterior sesión, esta nova reunión fixémola o luns 2 de marzo a mediodía. Todos os participantes quedamos a comer no instituto e de seguida comezamos o comentario da novela O neno co pixama de raias, de John Boyle. A sesión comezou co visionado dunha presentación na que se falaba do holocausto sufrido polos xudeus na Alemaña nazi. O tempo dedicado ao comentario quedou de novo curto para todas as opinións que se verqueron sobre a obra. A guerra e as súas terribles consecuencias foron obxecto da reflexión dos asistentes, así como a barbarie do exterminio nazi.

2009-03-09T23:20:00.001+01:00

Primeira sesión do Club de lectura

O día 22 de xaneiro celebramos, no recreo, a primeira sesión do Club de lectura. Nesta ocasión a convocatoria foi dobre, pois os alumnos de ESO acudían para comentar a obra de Manuel Rivas A lingua das bolboretas, mentres que os de bacharelato falarían de Agosto do 36, de Xosé Fernández Ferreiro.
Aínda que a asistencia dos alumnos da ESO non foi moi elevada, a dos de bacharelato foi máis representativa.
Ante o breve espazo de tempo dispoñible nos recreos para abordar o comentario das obras, os alumnos propuxeron trasladar as seguintes sesións ao mediodía do luns, xa que, ao ter clase pola tarde, poderíanse realizar á hora da comida, no que teriamos hora e media para falar amplamente das obras seleccionadas.

2009-03-09T22:32:00.000+01:00

Para este ano temos previstas no noso instituto tres sesións do Club de lectura. O tema elixido para todas elas é o dos conflitos bélicos no século XX.

No primeiro trimestre as lecturas elixidas son:
- A lingua das bolboretas, de Manuel Rivas, orientada aos alumnos da ESO.
- Agosto do 36, de Xosé Fernández Ferreiro, para os alumnos de bacharelato.

No segundo trimestre, O neno do pixama a raias, de John Boyne, é o libro que comentamos.

No terceiro trimestre intentaremos contar coa presenza de Fran Alonso, xa que a súa obra Cartas de amor, será a protagonista desta sesión.

2008-12-18T14:32:00.000+01:00

Benvidos ao Blog do Club de lectura do IES As Barxas (Moaña).

Este ano comeza a camiñar o Club de lectura no noso instituto e queremos poñer este blog a vosa disposición para que nos faledes dos libros propostos para as sesións ou daquelas outras lecturas que fagades e queirades recomendar.