I Semana da Ciencia.

         A semana do 6 ao 10 de febreiro celebramos por primeira vez no IES As Barxas a SEMANA DA CIENCIA. O Departamento de Bioloxía en colaboración coa Biblioteca, acordou realizar un acercamento ao marabilloso mundo dos DINOSAURIOS. Para isto, elaboramos actividades  diversas co obxectivo de involucrar aos rapaces espertando o seu interese por este tema tan atractivo.

         1º Enchemos o vestíbulo de pegadas de dinosaurio que nos acercan á exposición informativa sobre a vida e as características destes xigantescos exemplares.
         2º Nunhas vitrinas expoñemos unha ampla selección de auténticos fósiles, animais e vexetais.
         3º Realizamos un Obradoiro, no que poden facer o seu propio fósil en escaiola seguindo unha serie de sinxelos pasos.
         4º Proxectamos películas onde os rapaces poden ver os dinosaurios en acción.
         5º Na Biblioteca situamos un microscopio que presenta diferentes mostras, as cales os alumnos poden ver reflectidas na pantalla do proxector.

        
Agardamos a vosa visita e que sexa do voso agrado.