O luns 13 de novembro xuntámonos na biblioteca os clubs de manga dos IES As Barxas e A Paralaia para organizar a segunda edición da Comic-Con de Moaña. Practicamente enchemos a biblioteca, porque cada ano que pasa somos máis. Acordamos que as mellores datas son o 4 e 5 de maio e decidimos repetir moitas das actividades que mellor resultado deron o curso pasado, como por exemplo as pistolas nerf, os obradoiros de debuxo, Hama e origami, o torneo de quidditch, o concurso de talentos e karaoke, a gymkana... Acordamos tamén contactar de novo co club de Jugger de Cangas e coa tenda Mazinger de Vigo, que foron os encargados do torneo de Magic. Curro tomou nota das persoas que ían conformar cada grupo de traballo e quedamos emplazados para unha nova xuntanza. Falamos tamén de compromiso e de traballo, do que implica responsabilizarse dunha actividade deste tipo e do importante que é para todxs levar adiante este proxecto.
A mediados de decembro estamos convidados, un ano máis, a visitar ao club de manga do Alexandre Bóveda en Vigo e alí seguiremos organizando e achegando novas ideas. E, por suposto, tamén esperamos coñecer aos membros dos novos clubs que se van sumando ao tsunami do manga.
No hay comentarios:
Publicar un comentario