Comezan as lecturas, "Romeo e Xulieta"

A primeiros de outubro tivemos unha reunión; acudiron novos lectores e lectores fieis. Queríamos preguntar qué lles interesaría ler, houbo moitas suxerencias, e quedámonos cun nome,  William Shakespeare.

E unha vez que sabiamos o autor, tocou decidir título, nada doado tratándose de quen se trataba. E tras pensalo, pensar a lectura mesma, as reflexións que poden surxir dela, e todo o que xurdiu da obra, decidímonos por "Romeo e Xulieta", da que hai unha tradución á lingua galega, xa esgotada pero presente na biblioteca do centro, de Miguel Pérez Romero e publicada por Galaxia.

Comeza o curso, comezan as lecturas.