PROXECTO MAIL ART: AS POSTAIS CHEGAN A CORUÑA

E, por fin, ao cabo de dous días, as nosas postais chegan ao IES Agra de Orzán. Que emoción velas agora colgadas doutro tendal ao final da súa viaxe!!

Grazas aos nosxs compañeirxs de Coruña pola súa proposta e as súas postais e á nosa profe de inglés, Begoña, por facela posible no noso centro! Foi unha experiencia incrible que oxalá repitamos.

23 DE ABRIL: PREMIOS MAIL ART E ENVÍO DE POSTAIS

Para festexar o Dío do Libro, ademais da charla de Luz Beloso ao alumnado de 2º ESO sobre álbumes ilustrados, tamén se concederon 15 premios entre xs participantes no Proxecto Mail Art. A decisión foi moi difícil porque o noso alumnado creou un total de 318 postais e moitas delas foron extraordinarias. Ao final "unicamente" se enviaron ao IES Agra de Orzán 223 (eran demasiadas!) en 7 grandes sobres (moi moi cheos e pesados!!) máis 16 postais soltas. Velaquí vai a relación dxs premiadxs:

- Marina Díaz 1ºB Bac

- Saúl Sanmartín 4ºC

- Vera Ruiz 3ºC

- Antía Táboas 2ºB

- Laura Rúa  

- René del Río 1º ESO

- Elena Currás / Diego Casqueiro 3ºB

- Iago Maya 2ºC

- Nayara González 3ºC

- Elena Currás 3ºC / Sara Zabaleta / Antía Boubeta / Adara Gil 4ºC

- Sabela Trigo 2ºA

- Xabier Zúñiga 2º Bach

- Roberto Valverde 1ºA

- Ana Nüñez 1º Bach

Tamén houbo un pequeno premio para Gabriel González e Alejandro Rivas (ambos de 4º C) como agradecemento pola súa colaboración coa instalación da expo que decorou a entrada do noso IES durante todo o mes de abril.

A todxs elxs un millón de grazas!!

E alá foron as obras de arte do noso alumnado rumbo á Coruña!

FINALISTAS CONCURSO MAIL ART

O venres escollemos, de entre todas as postais elaborados polo noso alumnado, as que nos pareceron, por distintos motivos, merecedoras de levar un premio que entregaremos a semana que vén, unha vez enviadas. Foi emocionante comprobar como ían aumentado día a día as postais penduradas dos sedais e como moitísimas delas eran absolutamente preciosas. De feito, foi moi complicado seleccionar só unhas poucas. Hai moitas máis que tamén deberían estar incluídas na nosa escolma. Velaquí as que finalmente quedaron.

CRECE A EXPOSICIÓN DE MAIL ART

Ao longo do mes de abril foron aumentando o número de postais colgadas nos sedais da entrada do noso instituto, todas elas destinadas a ser enviadas ao IES Agra de Orzán o día 23 de abril. É o noso xeito simbólico de agradecerlles ás que eles nos enviaron o 21 de marzo, Día da Poesía, e de festexar pola nosa banda o Día do Libro. Participaron case todos os cursos do noso insti, e varios departamentos (lingua inglesa, francesa, galega, castelá...). O luns vindeiro saíran cara á Coruña. Desexámoslles boa viaxe!

PREPARANDO EXPOSICIÓN DE MAIL ART PARA O DÍA DO LIBRO

Esta semana comezamos a montar a exposición na entrada do noso instituto coas postais que recibimos do IES Agra de Orzán e coas que está elaborando o noso alumnado para enviarlles a eles o día 23 de abril a xeito de conmemoración do Día do Libro. É emocionante ver como pouco a pouco a nosa entrada se vai enchendo de cores, debuxos, versos, citas... pendurados de fíos case invisibles.